23 сәуір күні “24 жұлдыздары” атты брифинг өтті. Білімімен көзге түсіп, олимпиадалар мен ғылыми жобаларда жеңімпаз болған түлектеріміз – Ы. Алтынсарин атындағы мамандандырылған мектеп- гимназиясының оқушылары Сапаргалиева Жансая мен Кеңесбай Нұғман, 24 мектеп- гимназиясының 4 сынып оқушысы Қуандық Арсен осы шараның құрметті қонақтары болды. Оқушылардың сұрақтарына жауап беріп, қол жеткізген жетістіктері, болашаққа жетелейтін мақсаттары туралы сөз қозғады. “Тегінде, адам баласы адам баласынан ақыл, ғылым, ар, мінез деген нәрселермен озбақ. Онан басқа нәрсеменен оздым ғой демектің бәрі де – ақымақтық” деген Абай атамыздың сөзімен брифинг нүктесі қойылды.

Жақын арада Астана қаласында «Зерделі» орталығының республикалық деңгейдегі жобасы аясында бір күндік олимпиадалық жарыс өтті. Оқушыларымыз “Зерделі Қостанай” атынан Қостанай қаласының құрама командасы ретінде қатысты. Қостанай қаласы команда ішінде қатысқан біздің мектеп оқушылары жетістікке жетті. 3-сыныптар командасы – 3 орын, 4-сыныптар командасы – 2-орын алды. Олар: 4-сынып оқушылары: Қайржан Айсылу Мырзабек Инжу Мырзабек Инкар Дауренұлы Сұлтан 3-сыныптар: Медетқызы Мариям Бектемир Томирис Құттықтаймыз!

🎭🎭🎭🎭🎭🎭🎭🎭🎭🎭🎭🎭🎭🎭🎭22.04. күні 1-сынып оқушылары І.Омаров атындағы облыстық театрға “Балапан қаз” қойылымымен келген Арқалық театры әртістерінің өнерін тамашалауға барып келді. Мәдени танымы мен қызығушылығын арттырып, көңілді уақыт өткізді.

Күретамыр жобасы аясында 3-сынып аналарының қатысуымен «Шаңырақтың шуақты тірегі» атты тағылымды алаң өтті ✨ 3-сынып аналары әлди айтып, ұлттық дәстүрлерді насихаттап, өз өнерлерін көрсетті. Шара соңында қатысушылар номинациялармен марапатталды 🏆 Ұлттық тәрбие – ұрпаққа аманат 💛

«Күретамыр» жобасы аясында «Әже – даналықтың бастауы» атты іс-шара 1 «В» сыныбында өтті. Шараға оқушылардың әжелері арнайы қатысып, өздерінің өмірлік тәжірибелерімен бөлісті. Балалар әжелеріне арнап өлеңдер оқып, ән айтып, сый-құрмет көрсетті. Бұл кездесу ұрпақтар сабақтастығын нығайтып, үлкенге деген құрметті арттырды. Шара барысында әжелермен пікірталас ұйымдастырылып, тәрбиелік мәні зор әңгімелер айтылды.

«Таңғажайып талант – 2026» 1–4 сынып оқушылары арасында жас өнерпаздар фестивалі өтті Бұл ерекше шарада кішкентай дарындар өздерінің таңғажайып таланттарын көрсетіп, көрермендерді тәнті етті. Олардың батылдығы мен шығармашылығы баршаға көтеріңкі көңіл-күй, шабыт сыйлады Болашақта бұл бүлдіршіндердің үлкен жетістіктерге жететініне сеніміміз мол!

Сәуірдің 20-сы күні мектебімізде «Жас зерттеуші» көрмесі өтті 🔬✨ 1–4 сынып оқушылары өздерінің ғылыми жобаларын таныстырып, түрлі қызықты тәжірибелер жасап көрсетті. Кішкентай зерттеушілердің ізденісі, қызығушылығы мен шығармашылығы баршамызды тәнті етті. Білімге деген құштарлық – үлкен жетістіктердің бастауы!