«Бұл әлем қандай әдемі, қарашы!» атты бірыңғай облыстық сынып сағаты бастауыш сыныптарда өткізілді. Сынып сағатының мақсаты – оқушылардың табиғатқа деген сүйіспеншілігін арттыру, қоршаған ортаны аялауға тәрбиелеу және қоршаған ортада қауіпсіздікті сақтау. Іс-шара барысында оқушылар табиғат туралы өлеңдер оқып, қызықты ойындар мен шығармашылық тапсырмаларға белсенді қатысты. Балалар өз ойларын еркін жеткізіп, әлемнің әсемдігі туралы пікірлерімен бөлісті. Сынып сағаты оқушылардың танымдық қызығушылығын арттырып қана қоймай, олардың қауіпсіздік мәдениеті мен ережелерін қалыптастыруға да оң ықпал етті.

Әлихан Бөкейханов атындағы жалпы білім беретін мектебінде Қостанай қаласының мектеп оқушылары арасында өткен «Күй – ұлт қазынасы» атты қалалық байқау ұлттық өнердің мәртебесін асқақтатқан тағылымды шара болды. 🎼 Байқау барысында жас өнерпаздар өз шеберліктерін жоғары деңгейде көрсетіп, көрерменнің ыстық ықыласына бөленді. ✨ Соло номинациясы бойынша Фазыл Әдия ерекше өнерімен көзге түсіп, жүлделі ІІ орын иеленді. ✨ Дуэт номинациясында Курганбекова Асия мен Фазыл Әдия өзара үйлесімді өнер көрсетіп, жүлделі ІІІ орынның лауреаттары атанды. 🎶 Әрбір орындалған күйден ұлттық мұраға деген құрмет пен шынайы сүйіспеншілік анық сезілді. 🌟 Жеңістеріңіз құтты болсын! Өнер жолында биік белестерді бағындыра беріңіздер!

16 наурыз – Мәдениет және ұлттық салт-дәстүр күні. «Наурызнама» онкүндігі аясында Қостанай облысы Әділет департаментінің қызметкерлері №24 мектепте оқушылардың қатысуымен танымдық іс-шара өткізді. 🔹Іс-шара барысында оқушыларға қазақ халқының мәдениеті мен ұлттық салт-дәстүрлері туралы ақпарат беріліп, олардың маңыздылығы түсіндірілді. Қызметкерлер балалармен бірге ұлттық құндылықтар туралы әңгімелесіп, салт-дәстүрлердің ұрпақтан ұрпаққа жалғасуының маңызын атап өтті. Қостанай облысы Әділет департаментінің Баспасөз қызметі

Алғыс айту күні құтты болсын! 1 наурыз – еліміз үшін ерекше мейрам. Бұл күн – мейірімділік пен ризашылықтың, сыйластық пен бірліктің мерекесі. Алғыс айту күні – жүректен шыққан жылы сөз бен шынайы алғыстың қадірін Тәуелсіз Елімізге білдіреміз. Бүгін біз ата-аналарымыздың қамқорлығымен, ұстаздарымыздың сапалы білімі мен тәлім-тәрбиесімен, достарымыздың қолдауы мен адалдығымен өмір сүріп жатқанымыз үшін тату елімізге алғыс айтамыз. Жүрегімізде әрдайым мейірім, ризашылық пен сыйластық сезімі болсын. Алғыс айту – үлкен мәдениет, биік адамгершілік белгісі. 💙 Бір-бірімізге жылы сөз айтып, жақсылық сыйлайық.