Ай: Қыркүйек 2025

10 тамыз — Абай Құнанбайұлы күні Бүгін біз қазақтың ұлы ақыны, ойшылы, философы және ағартушысы — Абай Құнанбайұлының күнін атап өтеміз. Абай — қазақ халқының рухани жаңғыруының символына айналған тұлға. Оның өлеңдері мен қара сөздері терең философиялық мағынаға толы, адамды өзін дамытуға, тануға және туған мәдениетін сүюге шабыттандырады. Ол бірлікке, білімге, адамгершілікке үндеді. Абайдың өсиеті бүгінгі күні де өзектілігін жоғалтқан жоқ. 🖋️ «Адам баласы адам баласынан ақыл, ғылым, ар, мінез деген нәрселермен озады», — деп жазды Абай. Осы күні біз оның даналығын, әдебиет пен мәдениетке қосқан үлесін еске алып, ұлы тұлғаның мұрасын зор мақтанышпен еске аламыз. #АбайҚұнанбайұлы #АбайКүні #Қазақстан #АбайМұрасы #АбайдыңСөзі

Мектепте өткен іс-шара

Бүгін жазғы демалыс алаңының қорытынды күні өтті. Балалар осы уақыт аралығында алған әсерлерімен бөлісіп, ұмытылмас сәттерді еске алды. Іс-шаралар: – Балалар суреттермен алғыс айту плакатын безендіріп, өз тілектерін жазды. – Әсерлі билейік, күлейік! би-ойын бағдарламасында белсенді қатысты. 🍿 Кинотеатрға барып, қызықты мультфильм тамашалады. Жазғы алаң оқушыларға қуаныш, жаңа достар, шығармашылық пен сергектік сыйлады. Балалар керемет көңіл-күймен алаңмен қоштасты.

Жаз 2021

Бүгін жазғы алаңда ұлттық дәстүр мен көңілді сәттерге толы «Бауырсақ-fest» мерекесі өтті. Іс-шара ашық аспан астында, таза ауада ұйымдастырылды. Іс-шара барысы: – Балалар далалық дастарханнан бауырсақпен тамақтанып, ұлттық тағамға деген құрметтерін білдірді. – Әртүрлі қимылды ойындар ойнап, балалар белсенділік танытты. – Ұлттық нақыштағы қолөнер бұйымдарын жасап, өз жұмыстарын көрмеге қойды. Қорытынды: Балалар үшін рухани бай, танымдық және көңілді күн болды. Ұлттық мәдениетке қызығушылық артып, достық пен ұйымшылдық күшейді.

Жаз 2021

Бүгін жазғы алаң оқушылары “І.Омаров атындағы облыстық қазақ драма театрына” барды. Театр сахнасында балалар назарына «Бұртима» ертегісі негізінде қойылған қойылым ұсынылды. Қойылым достық, өзара түсіністік пен қамқорлық тақырыбын қамтыды. Балалар кейіпкерлердің әрекеттері арқылы шынайы достықтың қадірін түсініп, өмірлік тәрбие алды. Қойылымның қызықты сәттері мен юморлық көріністері балаларға ерекше әсер сыйлап, көңілдерін көтерді. 🎭 Балалар театр өнерімен жақын танысып, рухани демалып қайтты. Қойылым тәрбиелік мәні мен көркемділігі жағынан жоғары деңгейде өтті.

Жаз 2021

Бүгін жазғы алаң аясында оқушылар Ы. Алтынсарин атындағы облыстық балалар кітапханасына саяхат жасады. – Экскурсия барысында балалар кітапхана бөлімдерімен танысып, табиғатты қорғау, экология тақырыбында бейнеролик тамашалады. Видео арқылы табиғатқа қамқор болу, жануарлар мен өсімдіктер әлемін сақтау маңыздылығы түсіндірілді. Сонымен қатар заман талабының ахуалдары:қаржылық сауаттылық тақырыбы да түсіндірілді. Себебі табиғатты аяламасақ, адамзат біраз шығынға тап болуы мүмкін. – Іс-шараның екінші бөлімінде қағаздан қолөнер бұйымдарын жасау бойынша шеберлік сағаты өтті. Балалар өз қолымен табиғат бейнесін жасап, шығармашылық қабілеттерін көрсетті. 🌍 Балалар жаңа мағлұмат алып, табиғатқа деген сүйіспеншіліктерін арттырды. Күн танымды әрі қызықты өтті.

Жаз 2021

Бүгін жазғы демалыс алаңында оқушылар үшін мазмұнды әрі қызықты күн ұйымдастырылды. Күннің басты бағыттары: – Бассейнге бару: Балалар суға түсу ережелерін сақтай отырып, жүзу жаттығуларын жасады. Су ойындары арқылы денсаулықтарын нығайтты, көңіл көтерді. – Қостанайдағы Ыбырай Алтынсарин атындағы мұражайға саяхат: Оқушылар ұлт ұстазының өмір жолымен танысып, тарихи жәдігерлерді тамашалады. Мұражайда өткен қолөнер шеберлік сағатында балалар өз қолдарымен бұйымдар жасап көрді. Күн өте танымды, белсенді және қызықты өтті. Балалар әсер алып, жаңа білім мен тәжірибе жинақтады.

Жаз 2021

Бүгін жазғы алаңда балалар үшін ерекше көңілді әрі шытырманға толы «Қарақшылар күні» ұйымдастырылды. Балалар қарақшы киімдерін киіп, квестке қатысты. 🗺️ Негізгі іс-шаралар: – Қызықты “станциялар” ұйымдастырылды: «Қазына іздеу», «Құпия карта», «Шифрды шеш» және тағы басқалар. – Әр станцияда оқушылар тапсырма орындап, “қазынаға апарар жолды” тапты. – Топтық жарыс барысында балалар жылдамдық, ұйымшылдық және тапқырлықтарын көрсетті. Балалар ерекше әсер алды, көңілді әрі белсенді демалды.

Жаз 2021