4 маусым – Қазақстан Республикасының Мемлекеттік рәміздер күні! Мемлекеттік рәміздер – Тәуелсіздігіміздің айғағы, елдігіміздің ең қастерлі белгілері. Бүгінгі мерекеге орай оқушыларымыз Қазақстанның Туы, Елтаңбасы және Әнұраны туралы білімдерін толықтырып, патриоттық рухтағы іс-шараларға белсене қатысты.

Қазақстан Республикасының Мемлекеттік рәміздер күніне орай лагерь тәрбиеленушілері арнайы бейнеролик дайындады. Бейнеролик арқылы балалар Отанға деген сүйіспеншіліктерін білдіріп, Мемлекеттік Туымызды, Елтаңбамызды және Әнұранымызды құрметтеудің маңызын көрсетті. Әрбір кадрдан туған елге деген мақтаныш пен патриоттық сезім байқалды. Еліміздің рәміздері әрдайым биікте желбірей берсін!

Лагерьдің 3-күні Бүгін лагеріміздің үшінші күні де көтеріңкі көңіл-күймен өтті! Балалар қызықты ойындарға қатысып, жаңа достар тауып, түрлі шығармашылық және спорттық тапсырмаларды орындады. Күніміз күлкіге, қуанышқа және жарқын әсерлерге толы болды. Әр сәт балалар үшін есте қаларлық естелікке айналып, жазғы демалыстың қызығын сезінуге мүмкіндік берді. Алда бізді әлі де көптеген қызықты күндер күтуде!

Жазғы лагерьдің екінші күні ерекше көңілді өтті! Бүгін балалар таңғы жаттығудан сергек бастау алып, түрлі қызықты ойындарға белсенді қатысты. Күннің ең жарқын сәттерінің бірі – лагерьге цирк әртістерінің келуі болды. Балалар қызықты қойылымдарды тамашалап, көтеріңкі көңіл-күй мен жарқын эмоцияларға бөленді.

1 маусым – Балаларды қорғау күні! 🌈 Бала күлкісі – әлемнің ең әдемі әуені. Бүгінгі мереке әрбір бүлдіршіннің бақытты балалық шағы, жарқын болашағы мен орындалатын армандарының мерекесі. Барша балаларды мерекемен құттықтаймыз! Әрқашан жүздеріңізден күлкі кетпесін, дендеріңіз сау, көңілдеріңіз шат болсын! Армандарыңыз асқақтап, білім мен жетістіктің биігінен көріне беріңіздер! 💙 ✨ Балалық шақтарыңыз бақытқа, қуанышқа және қызықты сәттерге толы болсын!